Şagirdimiz beynəlxalq yarışmada qalib oldu

Liseyimizin 11a sinif şagirdi Taleh Süleymanov növbəti dəfə beynəlxalq yarışmanın qalibi oldu. Rusiya Federasiyanın Rostov şəhərində  keçirilən  “Don Cup 2019”   taekvando çempionatında iştirak edən T.Süleymanov 78 kq çəki dərəcəsində yarışlara qatılıb. Uğurlu çıxışların nəticəsi olaraq qızıl medala layiq görülüb. T.Süleymanov   final oyunlarında Rusiya  Federasiyası və Ermənistan Respublikası idmançılarına qalib gələrək fəxri kürsünün ən yüksək pilləsinə qalxıb. Talehin yüksəklərə qaldırdığı bayraq bir Azərbaycan övladı kimi hər birimizə qürur hissi yaşatdı.