Məzunlarımız

Hər gün  yeniləşən  və inkişaf  edən Azərbaycanımızın  qüdrətli  addımlarının formalaşmasında  iştirak edən  məzunlarımız da az deyil. Onlardan bir qismini  sadalasaq da, hamısı ilə fəxr  edir  və gələcəyimizi onlara etibar etməkdə yanılmadığımıza  əmin olduğumuzu  bildirmək istəyirik.

Liseyi bitirən məzunlar respublikamızın rifahı naminə var gücü ilə çalışırlar. Hazırda məzunlarımızdan 4 nəfəri elmlər doktorudur. Liseyin məzunu Gündüz İsmayılov “Dini Qurumlarla İş  üzrə Dövlət Komitəsi”ndə şöbə müdiri vəzifəsində çalışır.  ABŞ və İngiltərədə təhsil almış Azər Qurbanov isə ABŞ-ın Kolumbiya Universitetinin müəllimidir. O, Harvard Universitetinin professoru N.Gregori Menkyunun “İqtisadiyyatın əsasları” kitabının tərcüməçisidir.  Bəhruz Məmmədli isə Qarabağ  həqiqətlərini  dünyaya  çatdırmaq  məqsədilə “The Consept of Self Determination the Conflict Naqorno Karabakh” adlı kitabını yazmışdır. Hazırda Türkiyə İqtisadiyyat Universitetinin  doktorantıdır.

Aparılan islahatlar və yeniliklər sayəsində  liseyin  nailiyyətləri  durmadan  artır. Bu  gün əminliklə  deyə  bilərik ki, liseyin  nəinki  respublikamızda, dünyanın bir çox  inkişaf  etmiş  ölkələrində   yeniləşən  təhsil müəssiəsələri  ilə  ayaqlaşmağa və rəqabət aparmağa qadir olan pedaqoji kollektivi var.  Liseyin məzunları  dünyanın  tanınmış təhsil ocaqlarında  təhsil almağa, öz biliklərini  artırmağa, vətəndə  aldıqları  bilikləri xaricdə  təkmilləşdirməyə  çalışır.

Adı, atasının adı və soyadı

Bal

Daxil olduğu yer

1

   Qurbanov Tural Nəriman

Türkiyə

Ankara, Yeditəpə Universiteti

2

     İsmayılov Tural Rafiq

İngiltərə

New Castle, Biznesin təşkili

3

     Bağırov İslam İkram

Türkiyə

Ankara, ODTU, İnşaat mühəndisliyi

4

  Əliyev Xəyal Vüqar

Türkiyə

Bodrum Universiteti

5

  İsmayılov    Sənan

Türkiyə

Beykənd Universiteti

6

Mirzəyev  Nurlan Xaləddin

Rusiya

B. D. T. A

7

  Bayramzadə İlkin Azər

Türkiyə

8

  Muradov  Təbriz  Qüdrət

Türkiyə

9

Salmanzadə  Xanlar  Abbas

Almaniya

10

   Quliyev   Cavid

Gürcüstan

 

Təsadüfi  deyil ki, məzunlarımızın  yüksək  nəticələri bu gün  təhsil aldıqları  universitetlərin diqqətini bir daha liseyə  yönləndirmişdir. Respublika birincisi Əliyev Əlinin tələbəsi olduğu Qafqaz  Universitetinin  rektoru Ahmed Saniçin  liseyimizə  marağı  artmış, şagirdlərimizlə yaxından tanış olmaq  üçün  liseyə  təşrif  buyurmuşdur.

Keyfiyyətli  təhsilin  nəticəsi  kimi liseyin məzunu Amil Abdul  oğlu  Babazadə  tam orta  təhsil haqqında  Xüsusi Nümunəvi attestat  və  “Qızıl medal”la  təltif olunmuşdur.